Астаналықтардың сусыз қалуының себебі аталды

Астанада 12-16 маусым аралығында жылу желілеріне гидравликалық сынақ жүргізілетін болады деп хабарлады  a-tranzit.kz.

Жылу желілерінің беріктігіне жасалып жатқан гидравликалық сынақ жұмысы жылыту кезеңі басталғанға дейін жүргізілуі тиіс.

«Пайдаланудағы жылу желілерін беріктік және тығыздыққа гидравликалық сынау жұмысы жылыту маусымы басталғанға дейін жүргізілуі тиіс. Сынау жылу энергиясы көзінің су жылытқыш қондығылары істен ажыратылған кезде, жылуды тұтыну жүйелері істен ажыратылған кезде, тұтынушылардың жылу пункттеріндегі ауашығарғыштар ашық болған кезде, жылу энергиясы көзінен бөлек шығатын магистральдар бойынша жүргізіледі» деген 10.9.9-тармағына сәйкес құбырлардың тығыздығы мен беріктігін және орнатылған арматура мен реттеуші арматураны тексеру мақсатында желілерді гидравликалық сынау жүргізілетінін хабарлайды. Осыған байланысты Байқоңыр және Сарыарқа аудандарында ыстық судың берілісі ажыратылады», – деп жазылған хабарламада.

Берілген ұйғарымға сәйкес кәсіпорын мен ұйым басшылары, ПИК және ӨК төрағалары осы кезеңде балансында жылу трассалары бар тұтынушылардың ыстық сумен жабдықтау жүйесін істен ажыратып, қызметкер кезекшілігін ұйымдастыруы қажет. Жылу желісіндегі барлық жұмыс тоқтатылуы тиіс.

Сынақ кезеңінде өшірілетін нысандар тізімін мына сілтеме бойынша көруге болады.