Көкшетау әкімдігі бұрын жемқорлық үшін сотталған адамды мемлекеттік қызметке алған

Көкшетау қаласы құрылыс бөлімінің басшысы міндетін атқарушы А. есімді шенеунік бұрын жемқорлық қылмысы үшін сотталған С. есімді азаматты құрылыс секторының меңгерушісі лауазымына қызметке алған. Ал, ол 2017 жылы «Қызметтік өкілеттігін асыра пайдалану» бабы бойынша сотталған.

Ақмола облыстық сотының хабарлауынша, шенеунік С. есімді азаматтың бұрын сотталғанын біле тұра, ҚР мемлекеттік қызмет туралы заңына сүйенбеген. Ал, бұл заң аясында бұрын жемқорлық қылмысы үшін сотталған азаматты мемлекеттік қызметке алуға болмайды.

Сот шешімімен, бұрын жемқорлық қылмысы үшін істі болған азаматты мемлекеттік қызметке алып, әкімшілік құқық бұзған шенеунікке 241 500 теңге көлемінде айыппұл салынды.