Сенатор ерте жүктілік мәселесіне ерекше назар аударып, оны әлеуметтік-медициналық маңызды сынақ деп атады

Сенаттың Әлеуметтік-мәдени даму және ғылым комитетінің төрағасы Нұртөре Жүсіп «Жасөспірімдер мен жастардың репродуктивті денсаулығы» тақырыбы бойынша өткен халықаралық ғылыми-тәжірибелік конференцияға қатысты.

Сенатор өз сөзінде жасөспірімдік кезең жеке адамның, өмірлік көзқарастар мен мінез-құлықтың қалыптасуына әсер ететін физиологиялық және психологиялық маңызды өзгерістермен бірге жүретінін атап өтті. Осы кезеңде сенімді ақпаратқа қол жеткізу, ашық және сыйластық диалог мәдениетін дамыту, сондай-ақ денсаулық мәселесіне жауапкершілікпен қарауды қалыптастыру аса маңызды.

«Жасөспірімдер мен жастардың репродуктивті денсаулығы – еліміз болашағының негізі. Медициналық және консультациялық қызметтерді уақтылы хабардар ету, қолдау және оларға қол жеткізу жастардың өз денсаулығына жауапкершілікпен қарауға және саналы көзқарас қалыптастыруға ықпал етеді. Бұл қоғамның тұрақты дамуы мен әл-ауқатына маңызды инвестиция», – деп атап өтті Нұртөре Жүсіп.

Сенатор ерте жүктілік мәселесіне ерекше назар аударып, оны әлеуметтік-медициналық маңызды сынақ деп атады. Оның айтуынша, бұл мәселені тиімді шешу білім беру мен денсаулық сақтау жүйелері және әлеуметтік қолдау институты арасындағы тығыз байланысты талап етеді.

«Қауіпсіз әрі қолдап отыратын және ақпараттандырылған орта қалыптастыру денсаулыққа жағымсыз қауіптерді азайтып қана қоймай, жастардың саналы шешім қабылдау дағдысын қалыптастыруға ықпал етеді. Бұл олардың салауатты, үйлесімді және толыққанды дамуының негізі», – деді Нұртөре Жүсіп.

Шараға қатысушылар кешенді білім беру, жасқа бейімделген бағдарламаларды енгізу және білікті көмекті қамтамасыз ету жасөспірімдер мен жастардың психологиялық және репродуктивті қиындықтарына байланысты әлеуметтік зардаптардың алдын алуда маңызды қадам болып табылатындығы туралы ортақ пікірге келді.