«Сіздің атыңыздан несие алайын деп жатыр»: Қызылордалық полицейлер алаяқты қолға түсірді

Қызылорда қалалық Полиция басқармасының кезекші бөліміне алаяқтың құрбаны болған қала тұрғыны арызданды.

Айтуынша, оның телефон нөміріне белгісіз біреу хабарласқан.

«Ұлттық Банк қызметкерлеріміз, белгісіз біреулер атыңыздан несие алайын деп жатыр» деп сеніміне кіріп, 5 млн теңге ақшасын аудартып алған.

«Полиция қызметкерлері жедел-іздестіру іс-шарасын жүргізді. Нәтижесінде Алматы қаласының тұрғыны ұсталды. Аталған дерек бойынша ҚР Қылмыстық Кодексінің 190-бабының 3-бөлігімен (Алаяқтық) сотқа дейінгі тергеп-тексеру амалдары жүргізілуде. Қазіргі уақытта күдікті қамауда», — деп мәлім етті Қызылорда облыстық полиция департаментінен.