ТЖМ ескертеді: жұқа мұзға шығу өте қауіпті

Төтенше жағдайлар министрлігі азаматтарға қатпаған мұзға шығудың қауіптілігін ескертеді және күз-қыс кезеңінде су айдындарында қауіпсіздік ережелерін қатаң сақтауға шақырады.

«Мұз» республикалық үгіт-насихаттық алдын алу акциясы аясында адамдардың мұзда қаза болуын болдырмауға бағытталған кешенді шаралар жүргізілуде. Бүгінгі таңда 6 мыңнан астам рейдтер мен патрульдеу шаралары ұйымдастырылды, 33 мыңнан астам азаматпен профилактикалық әңгімелер жүргізілді, 11 мыңнан астам балықшыға нұсқаулықтар берілді. Құтқару бөлімшелерінің үйлесімді жұмысының арқасында 4 адам құтқарылды.

ТЖМ су айдындарында қауіпсіздік ережелерін сақтау қажеттігін ескертеді. Бір адам үшін мұздың қауіпсіз қалыңдығы кемінде 10 см болуы тиіс, ал қараңғы уақытта, нашар көріну кезінде, мұз қата бастаған және еру кезеңінде мұзға шығуға қатаң тыйым салынады! Мұздың қалыңдығы 10-25 см аралығында болған жағдайда мұз астынан балық аулауға тек құтқару жилеті болған кезде рұқсат етіледі!

Мұзда болған кезде:

1) мұздың жұқа және қатпаған жерлеріне шығуға;

2) мұздың жекелеген (қауіпті) учаскелерінде топтармен жиналуға;

3) мұздағы ойықтарға, жарықшақтарға жақындауға;

4) өткелдер үшін бөлінген орындардың шекарасынан тыс көлік құралдарымен мұзға шығуға;

5) от жағуға;

6) 20 сантиметрден аз қашықтықта екі ойық, ал басқа жұп ойықтардан 2 метрден аз қашықтықта екі ойық жасауға;

7) мұзда жабдықтар мен қоқыстарды қалдыруға жол берілмейді.

ТЖМ азаматтарды абай болуға, өз өміріне және айналасындағы адамдардың өміріне қауіп төндірмеуге шақырады. Қарапайым қауіпсіздік шараларын сақтау апаттарды болдырмауға көмектеседі.