Үздік алты жоба

0
7

Қорқыт ата атындағы Қызылорда университеті жас ғалымдардың ғылыми-зерттеу жұмысын қолдауға бағытталған ректор грантына конкурс ұйымдастырды. Байқауға 22 жұмыс ұсынылып, солардың арасынан 6 жас ғалымның жобасы үздік деп танылды.

Осылардың ішіндегі ерекше бастамалардың бірі – заманауи Arduino технологиясы арқылы жасалатын «Smart ботаникалық бағы» жобасы. Жас ғалым, уни­вер­ситеттің аға оқытушысы Дархан Орынбековтің айтуынша, бақта өсімдік топырағындағы ылғал­дылықты анықтайтын құ­рылғы орнатылады.

– Ондағы көрсеткіштер ар­қы­лы бақ автоматты түрде тәу­лік ішінде бір мәрте 10-15 минут суарылады. Бұл өсімдіктің тү­рі­не де байланысты, – деді грант иегері.

Ал «Археология және эт­но­гра­фия» орталығының ғы­­лы­ми қызметкері, PhD Ислам Құр­ма­ниязов ежелгі Асанас, Қыш­қала, Арал-асар ескерт­кіштерінен табылған остео­ло­гиялық материалдарды ғы­лы­ми тұрғыдан талдап, орта­ғасырлық кезеңдегі жануар­лар әлемі мен өсімдіктер дүние­сін зерттеуді қолға алмақ. «Мә­де­ниет­тану» мамандығы бо­­йын­ша философия докторы Жарқынбек Әбікенов оңтүстік өңір тұрғындарының ком­му­ни­кациялық мәдениетіндегі үде­рістерді зерттеумен айналысады. Ғалым Қызылорда, Түркістан, Жамбыл, Жетісу, Алматы облыстары мен Алматы, Шымкент қалалары тұрғындарының ком­муникациялық дағдыларын назарға алуды жоспарлауда.

Гранттық жобаларды ірік­теу­де жоба тақырыбының ма­ңыз­дылығына, ашықтығына, өзек­телігіне ерекше басымдық берілді.

Қазақ ­халық­ пе­­да­­го­­­­­ги­ка­­сын­дағы дене шы­нық­ты­ру дәстүрлерін терең зерттеп, сту­­дент­терді патриот­тық тұр­ғы­дан тәрбиелеуге бағыт­талған PhD Талант Бимахановтың жобасы да конкурста қолдау тапты. Педагогика ғылымдарының магистрі, аға оқытушы Ербол Бекіш XIX ғасырдың екінші жартысы мен XX ғасырдың басындағы қазақтың рухани және зайырлы интеллигенциясының ағар­тушылық-педагогикалық қыз­­­метін зерттемек.

Конкурста бастауыш, орта және жоғары мектеп мұға­лім­де­рі­не арналған психо­логиялық-педагогикалық тер­мин­дердің глоссарийін үш тілде әзірлеуге арналған Жанна Ізтілеуованың жобасы да қолдауға ие болды.

Жастар жыл соңына дейін зерттеу жүргізіп, республикалық және халықаралық ғылыми ба­сы­лым­дарға мақалалар жариялайды. Үздік шыққан 6 жобаға 10 млн теңгелік сертификат табыс­тал­ды. Дәстүрлі конкурс ая­сында былтыр 4 жоба университет грантын иеленген болатын. Мұндай қолдау жастардың ғылымға деген қызығушылығын арттырып, жаңа жобалардың жүзеге асуына жол ашпақ.


Notice: Trying to access array offset on value of type bool in /var/www/vhosts/zamandas.kz/httpdocs/wp-content/themes/zamandas_news/inc/libs/single_core.php on line 656

Notice: Trying to access array offset on value of type bool in /var/www/vhosts/zamandas.kz/httpdocs/wp-content/themes/zamandas_news/inc/libs/single_core.php on line 657

Notice: Trying to access array offset on value of type bool in /var/www/vhosts/zamandas.kz/httpdocs/wp-content/themes/zamandas_news/inc/libs/single_core.php on line 658

ПІКІР ҚАЛДЫРУ