Ақордада Малайзия Премьер-министрін қарсы алды
![](https://zamandas.kz/wp-content/uploads/2024/05/f4e7dc53-48a9-477a-b04b-57cfa6f6c8c8.jpg)
– «Ақорда» резиденциясында Қазақстанға ресми сапармен келген Малайзия Премьер-министрі Ануар Ибрагимді салтанатты түрде қарсы алу рәсімі өтті. Бұл туралы Ақорданың баспасөз қызметі хабарлады.
Қасым-Жомарт Тоқаев пен Ануар Ибрагим бір-біріне ресми делегация мүшелерін таныстырды. Құрмет қарауылының бастығы Қазақстан Президенті мен Малайзия Премьер-министріне рапорт беріп, екі мемлекеттің әнұрандары шырқалды.
![Ақордада Малайзия Премьер-министрін қарсы алды Ақордада Малайзия Премьер-министрін қарсы алды](https://img.inform.kz/kazinform-photobank/media/2024-05-16/683fb7db-5fd0-42ae-9fc6-ede522eccb51.jpeg)
Салтанатты рәсімнен кейін Қасым-Жомарт Тоқаев пен Ануар Ибрагим келіссөз залына барды.