Айыппұл мөлшері 6 миллион теңгеден асып кеткен жүргізушіні тасжолда тоқтатты

Түркістан облысында жергілікті тұрғынның төленбеген айыппұл сомасы 6 миллион теңгеден асып кеткен, деп хабарлайды Egemen.kz  облыстық Полиция департаментінің баспасөз қызметіне сілтеме жасап.

«Қорғау – қауіпті жүргізуші»  автоматтандырылған  жүйесінен Түркістан облыстық Полиция департаменті Жедел басқару орталығына хабарлама түседі. Анықталған мәлімет бойынша  Алматы – Ташкент – Термез тасжолында 6 миллион 200 мың теңгеден астам айыппұл қарызы бар жүргізушінің көлігімен кетіп бара жатқандығы туралы хабарлама түскен. Осы ақпарат бойынша Түркістан облысының патрульдік полиция батальонының қызметкерлері жүргізушіні тоқтатып, автокөлікті айып тұрағына жеткізді.