Алғыс ақтарылатын күн

0
201

Маңғыстауда биылғы 1 наурыз шынымен-ақ жұрттың жаппай бір-біріне алғыс айтатын күн ретінде атап өтілмек. Маңғыстау облыстық мәдениет, архивтер және құжаттама басқармасы басшысының орынбасары Гүлнар Базаралиеваның айтуынша, «Алғыс айту» күніне орай өңірде 100-ден астам мәдени іс-шара ұйымдастырылады.

Ақтау қаласындағы қарттар үйінде облыстық ғылыми-әдіс­темелік және мәдени қыз­мет көр­сету орталығының концер­ті­мен басталатын мереке Абай атындағы мәдени-демалыс ке­ше­нінде «Алғыс айту – парызым» мерекелік концерті мен М.Өскінбаев атындағы облыстық филармонияда «Ақшағыл» этно-фольклорлық ансамблі мен «Жор­ға» би тобының концертіне жал­ғасады.

– Нұрмұхан Жантөрин атын­дағы Маңғыстау облыстық му­зы­калық-драма театрында «Перзентхана» қойылымы, 3 наурыз күні «Отпан» тарихи-мә­де­ни кешенінде «Ақ жаулықты әжелер» атты кездесу кеші, об­лыс­тық филармонияда кіші сим­фониялық оркестрдің кон­цер­ті ұйымдастырылады, – деді Г.Базаралиева.

Сондай-ақ облыстық музейлер мен кітапханаларда «Бұл әлемді әдемі ету үшін, жақсы сөздер айтыңыз» тақырыбында алғыс айту сағаттары, «Алғыс айту – парызым» кітап көрмесі мен «Мың алғыс» ертеңгілігі, «Жылы лебіз жан тебірентер» кездесу кештері өткізілмек. Мұн­дай мәдени іс-шаралар Жаңа­өзен қаласы мен Мұнайлы, Қарақия, Түп­қараған, Бейнеу ауданында да ұйым­дас­ты­рылады. Жаңаөзен қа­ласы бо­­йынша «Алғыс айту – парызым» апталығы, «Алғысымыз шексіз» атты әлеу­меттік желіде челлендж эста­фета, «Алғыс айтам бәріңе» атты мерекелік концерт, «Шын жүректен алғыс айтамын» тақырыбында мүмкіндігі шектеулі жандарға қайырымдылық іс-ша­ра­сы өтетіндігін айтты.

Ал «Қоғамдық келісім» меке­ме­­сінің жоспарында да біраз іс-шара қамтылған. «Алғыс айту – парызым» акциясы аясында әртүрлі салаларда және кәсіп­тер­де адал қызмет етіп, азаматтық және еңбектік ерлік жасап, елдің дамуына үлесін қосып жүрген, сондай-ақ түрлі оқиғалар мен жағдаяттар кезінде бел­сен­ділік пен азаматтық ұстанымын та­ныт­қан жандарға алғыс айтылса, түр­лі спорттық сайыстар да назардан тыс қалмайды.

Алғыс еститіндер қатарында зейнет­кер­лікке шыққан ұстаздар, по­лицейлер мен әр сала арда­гер­лері, қарттар, көше сыпырушылар сынды түрлі санаттағы халық өкілдері бар. Көктемнің алғашқы кү­нінде тұрғындар көтеріңкі кө­ңіл күймен бір-біріне алғыс ай­тып ақтарылмақ.

ПІКІР ҚАЛДЫРУ

Оқи отырыңыз