Президент М.Қозыбаев атындағы Солтүстік Қазақстан университетіне барды

0
116

Президент Қасым-Жомарт Тоқаев Солтүстік Қазақстан облысына жұмыс сапары барысында М.Қозыбаев атындағы Солтүстік Қазақстан университетіне барды, деп хабарлайды Ақорданың баспасөз қызметі.

Президент білім беру, ғылыми-зерттеу жұмыстарымен және жоғары оқу орнын одан әрі дамыту стратегиясымен танысты.

Қазір университетте 6 мыңнан астам студент оқиды. Университет базасында жаңа оқу-зертхана корпусы іске қосылған. Онда студенттер мен оқытушылардың түрлі тәжірибелер және ғылыми зерттеулер жүргізуіне барынша жағдай жасалған.

щ

Президент ұшқышсыз басқарылатын ұшу аппараттарына арналған лабораторияны да аралап көрді. Онда студенттер ГИС-технология арқылы жерді қашықтан зондтау деректеріне талдау жасауды үйренеді.

ш

Бұдан бөлек, Қасым-Жомарт Тоқаевқа конфигурациясы күрделі детальдар алу жөніндегі инновациялық әдістер, симуляциялық оқыту және практикалық дағдылар орталықтары көрсетілді.

з

Президент университетті аралау барысында оқытушылармен және студенттермен әңгімелесті.

«Мен бұл салаға ерекше мән беремін. Аталған мәселелердің бәріне басымдық береміз. Себебі білім, білім мәдениеті болмаса, Қазақстан әрі қарай дами алмайды. Жақында біз Ғылым академиясына реформа жүргіздік, өте танымал әрі практик ғалымды президент етіп тағайындадық. Ғылым жөніндегі жоғары кеңестің бірінші отырысын өткіздім. Таяу арада сіздер де ғалымдар мен тәжірибелі мамандардың қатарын толықтырып, мемлекетіміздің дамуына елеулі үлес қосасыздар деп санаймын. Мен жастарға сенемін», деді Қасым-Жомарт Тоқаев.

 

ПІКІР ҚАЛДЫРУ