Қайрат Сатыбалды екі айға қамауға алынды
Сатыбалдыға қатысты “Қазақтелеком” АҚ қаражатын жымқыру фактісі бойынша тергеу жүріп жатыр. Тұңғыш президенттің немере інісі Қайрат Сатыбалды екі айға қамауға алынды, деп хабарлайды Sputnik Қазақстан Нұр-Сұлтан қаласының мамандандырылған ауданаралық тергеу сотына сілтеме жасап.
“2022 жылдың 15 наурызында Нұр-Сұлтан қаласының мамандандырылған ауданаралық тергеу соты күдікті Қайрат Сатыбалдыұлына қатысты 2 айға қамауға алу түрінде бұлтартпау шарасына санкция берді”, – делінген ресми хабарламада.
Сот мамандарының айтуынша, Қылмыстық-процессуалдық кодекстің 201-бабы бойынша сотқа дейінгі тергеуге қатысты мәліметтерді жариялауға болмайды.
Айта кетері, 13 наурызда сыбайлас жемқорлыққа қарсы қызмет Қайрат Сатыбалдыұлының ұсталғаны туралы ақпарат таратты. Ол “Қазақтелеком” АҚ-ның қаражатын аса ірі көлемде жымқырғаны үшін айыпталып отыр. Сондай-ақ мемлекет қауіпсіздігіне нұқсан келтіретін басқа да қылмыстарға қатысы бар-жоғы тексеріліп жатыр.
Қайрат Сатыбалды Алматы облысының аумағында ұсталған. Ол Дубайға ұшып кетпек болды.
ПІКІР ҚАЛДЫРУ
-
Тәрбие – тал бесіктен басталады
Адам баласы шыр етіп дүниеге келісімен тал бесіктен, жер бесікке дейін тәлім-тәрбиені ... -
-
-
Zamandas.kz сайтының мобильді қосымшасын жүктеп алыңыз.
